Selena Gomez do të tërhiqet nga muzika për një kohë të pacaktuar, pasi duhet të trajtojë sulmet e panikut, ankthin dhe depresionin. Këngëtarja amerikane tha përmes një deklarate se, problemet e saj mendore janë efekte anësore të sëmundjes së lëkurës Lupus.
“Unë kam zbuluar se ankthi, sulmet e panikut dhe depresioni mund të jenë efektet anësore të Lupusit, të cilat mund të paraqesin vështirësitë e tyre. Unë dua të jem aktive dhe të përqendrohem në ruajtjen e shëndetit tim dhe lumturisë dhe kam vendosur që rruga më e mirë është për të marrë pushim”, është shprehur këngëtarja në një deklaratë për mediat.
24-vjeçarja zbuloi vitin e kaluar se është duke u trajtuar nga lupusi, i cili ndikon sistemin imunitar të trupit. Gomez tha se tani i duhet kohë për t’u përballur me çështjet shëndetësore dhe nuk është e qartë se sa kohë do të qëndrojë larg skenës.
