Sensi i veshjes
Djemtë i pëlqejnë vajzat që janë të veshura mirë, ndaj përfitoni nga kjo. Vajzat shpesh nuk janë të sigurta çfarë duhet të veshin kur dalin me një djalë, me qëllim që ai të mos i rezistojë tërheqjes. Vishni diçka që është me shije dhe ju bën të dukeni mrekullisht mirë, sa herë që ai është pranë. Një vajzë me një sens të mirë të veshje, di si të duket bukur, por edhe casual. Besimi i zakonshëm se kushdo që të do, nuk do të gjykojë, s’është gjithmonë i vërtetë. A nuk do të ndiheshit e zhgënjyer, nëse djali që pëlqeni do të vishej në një mënyrë të çrregullt?
Një aromë joshëse
Lëreni ta bëjë aroma juaj punën për ju, kur i thoni mirupafshim me një përqafim. Djemve u pëlqen shumë kur vajza që pëlqejnë ka aromë tërheqëse. Spërkateni parfumin në duar, rreth qafës, prapa veshëve dhe nën klavikul, për të siguruar që të zgjasë. Ju mund të përdorni aroma të ndryshme në raste të ndryshme. Blini një shumëllojshmëri parfumesh dhe shikoni se cili funksionon më mirë për ju. Zgjidhni një parfum qetësues dhe kështu ia bëni të vështirë për t’i rezistuar tërheqjes.
Inteligjencë emocionale e lartë
Duke qenë femër, shpesh pritet që të keni emocione të thella. Kjo nuk do të thotë se mbushni sytë me lot sapo dëgjoni një histori të trishtuar. Një grua me një inteligjencë të lartë emocionale mund të inkurajojë dhe të frymëzojë mashkullin e saj kurdo që të ketë nevojë për motivim. Ajo thotë gjërat e duhura në kohën e duhur, në vend që të krijojë drama të panevojshme.
Buzëqesh shumë (natyrisht, jo më kot)
Djemtë “çmenden” për buzëqeshjen e një vajze. Buzëqeshja juaj duhet të jetë e vërtetë dhe e ëmbël. Mos e bëni me detyrim – ndryshe, djali mund të mendojë se jeni pak e çuditshme. Gjithashtu, kur jeni me të, jepini gjithë vëmendjen tuaj dhe qeshni me shakatë e tij. Tregoni se jeni e lumtur me të. Ai vetë do të bëjë pjesën tjetër.
Duhet të jeni të pasionuara për diçka
Të kesh një hobi dhe të kesh pasion për të, kjo është një gjë që i impresionon djemtë. Vajzat me hobi i bëjnë meshkujt të çmenden pas tyre. Ideja e përhapur se’burrat kultivojnë hobi, gratë kultivojnë marrëdhënie’ nuk është më e vërtetë.
