Pritjes së ëmbël i erdhi fundi dhe çifti i famshëm i showbizit, Chiara Ferragni e Fedez, janë bërë prindër për herë të dytë. Vogëlushja e tyre ka ardhur në jetë ditën e sotme dhe çifti kanë ndarë menjëherë foton e portretit të saj të ëmbël. Imazhi duket se është shkrpeur pak pas ardhjes së saj në jetë, teksa Chiara shihet duke e mbajtur në krahë, ndërsa Fedez duke i mbajtur dorën me gisht.
Dyshja kanë zbuluar se vogëlushen e kanë quajtur Vittoria. Ky emër është me origjinë italiane dhe do të thotë “fitore”.
“23 mars 2021. Vittoria jonë”, kanë shkruar Chiara dhe Fedez në postimet e tyre në rrjete sociale.
View this post on Instagram
Chiara dhe Fedez janë edhe prindër të një djali 3-vjeçar të quajtur Leone Lucia.
Pak ditë para ardhjes në jetë të vajzës, dyshja u përfshinë në një debat virtual me ndjekësit e tyre. Shkak u bë një fotografi e Chiarës, në të cilën ajo shfaqej topless duke nxjerrë në pah barkun e rrumbullakosur. Të shumë ishin ata që iu drejtuan blogeres me pyetjen “Si të lë burri të dalësh lakuriq?”, ndaj Chiara gjeti momentin të realizonte një video ku komentonte të gjithë situatën, duke treguar se ishte habitur nga këto kritika.
Pikë së pari, Chiara sqaroi se burri s’kishte punë fare me trupin dhe gjërat e saj personale. Më tej, ajo i këshilloi vajzat të gjejnë dikë që i mirëkupton dhe nuk i vë limite për të bërë atë që dëshiron dhe për të qenë vetvetja. Më pas, ishte Fedez ai që reagoi për këto komente, duke mbështetur publikisht partneren e tij me një foto ku pozoi lakuriq, njësoj si Chiara, teksa i bëri ndjekësit të qeshin.
