Ditën e sotme nëna e këngëtares shqiptare, Dhurata Dora feston ditëlindjen.
Bukuroshja ka ndarë me ndjekësit e saj në InstaStory disa foto së bashku me të ëmën të cilat i ka shoqëruar me dedikime.
Dhurata ka publikuar imazhin e së ëmës dhe po ashtu një foto ku shfaqet përkrah saj në të kaluarën.
“Urime ditëlindjen nënë. Të do vajza jote”, ka qenë mbishkrimi i njërës prej imazheve që ka ndarë në InstaStory.
“Idoli im”, shkroi këngëtarja në fotografinë ku ajo është në moshë të vogël me flokë kaçurrela duke buzëqeshur pranë të ëmës.
Ndërkohë Dhurata Dora është një ndër këngëtaret më të suksesshme të momentit. Kënga e fundit e saj, “Harrom”, ka thyer rekorde klikimesh në Youtube.
Në vetëm dy muaj e pak pas publikimit, projekti i saj i ka kaluar 22 milion klikime dhe ka bërë namin kudo!
Këngëtarja ka vendosur që për projektet e saj të ardhshme muzikore të punojë edhe me artistë të huaj. Së fundmi producenti Oster me origjinë nga Gjermania ka publikuar në rrjete sociale një foto me Dhurata Dorën. Të dy ata shfaqen në një studio dhe siç duket kanë gatuar diçka së bashku.
Nga ana tjetër kujtojmë se në media është përfolur se Dhurata pritet të vijë së shpejti me një bashkëpunim me reperin, Kidda. Nuk ka ende një datë publikimi për projektin e tyre të përbashkët, por thuhet se kënga është ende në punim e sipër.
