Vogëlushi i Jona Spahiut, Raiden, është një ndër fëmijët e famshëm të showbiz-it shqiptar, që i ka bërë të gjithë për vete me ëmbëlsinë e tij.
Megjithëse s’ka një llogari personale në Instagram, Raidenin e shohim shpesh nëpër story-t e mami Jonës, ku merr vëmendjen e të gjithë ndjekësve.
Së fundmi, moderatorja e ka filmuar të birin teksa ndiqnin “Kosherja Show”, formatin e ri televiziv nën drejtimin e të cilit janë Jona Spahiu dhe Bes Kallaku.
Teksa Besi thërriste emrin e Jonës në ekran, Raiden reagoi menjëherë duke përsëritur i gëzuar fjalët e tij.
“Kush është kush?”- e pyetën familjarët, ndërsa i vogli na shkriu zemrat teksa u përgjigj “Mami Spahiuuu”, duke i bërë të gjithë të qeshin.
Së fundmi Jona ka ndarë në rrjete sociale një video, në të cilën shihet duke u stërvitur në shtëpi me bashkëshortin, Frenklin dhe vogëlushin e tyre. Të tre ata shihen duke kombinuar disa mënyra të ndryshme ushtrimesh dhe këtë moment e kanë shijuar shumë. Edhe i vogli Raiden i ka shoqëruar deri në fund dhe sigurisht ky moment ka qenë shumë i vlefshëm për të tre për shumë arsye.
Përveçse e kanë përdorur si një moment për t’u kujdesur për veten, Jona dhe Frenkli e kanë shfrytëzuar edhe si mundësi për të kaluar sa më shumë kohë me djalin e tyre. Gjithashtu me të tilla situata ata mësojnë të voglin e tyre se sa i kujdesshëm duhet të jetë ai ndaj një jetese të shëndetshme.
Për të gjitha këto arsye nuk do të ishte keq që të gjithë prindërit të provonin diçka të tillë me vogëlushët e tyre në shtëpi.
Kujtojmë se djali i Jonës dhe Frenklit erdhi në jetë në shtator të 2018-s, pak kohë pasi ata kurorëzuan me martesë dashurinë e tyre.
