Reperi i njohur shqiptar, Unikkatil, feston ditën e sotme ditëlindjen e tij të 40-të. Ai ka lindur në Prishtinë, më 18 mars 1981. Reperi filloi të incizojë këngët e tij që para luftës në Kosovë. Më pas ai vazhdoi të publikojë këngë dhe nga ShBA-ja, ku themeloi grupin e tij “The Bloody Alboz (Shqipet e Përgjakshme)”.
Reperi numëron në diskografinë e tij qindra këngë, ku e veçanta është se asnjë nga to nuk eshtë e realizuar me videoklip, gjë që e dallon atë nga këngëtarët e tjerë.
Albumi i fundit i tij është “Kanuni i Katilit” i publikuar në vitin 2007, para 14 vjetëve.
Kujtojmë se në dhjetor të vitit 2019, reperi humbi babanë e tij. Reperi e ka dhënë lajmin e hidhur nëpërmjet fjalëve prekëse ku tregon edhe dhimbjen e madhe që po përjeton.
“Baba em, shpirti i em, nji prej njerëzve ma të sinqertë që kom njoftë dhe nji prej arsyevet që jom kështu çysh jom na la këtë të enjte. Miqët dhe dashamirët që dojnë me ia shprehë respektin dhe lamtumirën e fundit janë të mirëseardhun të hanën me 9 Dhjetor prej orës 2 deri në orën 9 në Pleasant Manor Funeral Home adresa: 575 Columbus Ave, Thornëood, NY, 10594.”, ka shkruar reperi asokohe në rrjein social Instagram.
