Turjan Hysko dhe Orinda Huta do të bëhen prindër për herëtë parë. Këtë lajm e konfirmoi vetë çifti përmes disa fotografive të postuara në Instagram.
Ishte Turi ai që publikoi foton i pari, krah Orindës ku shfaqet me barkun e rrumbullakosur.
“Pranvera nuk vjen me një lule, vjen me një beb. Katërshja fantastike”, ka shkruar Turi krahas fotos.
Pak më vonë, Orinda publikoi një tjetër foto, ku shkroi:
“…duke pritur mrekullinë që Zoti zgjodhi të na bekojë. Faleminderit Zot! Zoti është i mirë”.
Mirëpo ndjekësit kanë filluar të kenë dyshimet e tyre përsa i përket gjinisë së bebit dhe kanë filluar aludimet se mbase çifti do të bëhen me vajzë pasi Orinda në këto foto është shfaqur me veshje në ngjyrë rozë.
Kujtojmë se para disa kohësh në rrjetet sociale u bë virale një foto e publikuar nga Orinda Huta dhe Turjan Hysko, sepse ajo ngriti dyshimet e para se moderatorja është në një pritje të ëmbël. Orinda dhe Turi shfaqeshin në ballkonin e shtëpisë së tyre me në sfond bardhësinë e borës dhe përkrah fotos Huta shkroi: “Shtëpi” dhe “E bekuar”.
Ndërkohë disa ditë më parë, Orinda publikoi një video të saj, në të cilën shihej e veshur me një fustan të gjerë, ku binte në sy barku i rrumbullakosur. Pasi videoja u shpërnda me shpejtësi, Orinda e fshiu si për t’i shtuar akoma më shumë dyshimet tek fansat.
Mirëpo, këto dyshime u shuan sot pasi Orinda dhe Turi kanë konfirmuar lajmet e pritjes së ëmbël!
I vetmi dyshim që kanë ndjekësit tani është gjinia e bebit që pritet të vijë në jetë në muajt e verës.
