Natën që mbahet mbrëmja më e rëndësishme e vitit për muzikën, MTV Video Music Awards, të gjithë i kanë sytë drejt saj! Pikërisht shpesh të famshmit e shfrytëzojnë këtë natë, për të zbehur vlerën e veprimeve të tyre.
Kështu e mendoi dhe këngëtari Justin Bieber, i cili vendosi ta rihapte pas dy javësh mbyllur profilin e tij në “Instagram”.
Në orët e para të së hënës, 22-vjeçari e riaktivizoi llogarinë e tij. Ky ishte një lajm fantastik për fansat e këngëtarit, të cilët vërshuan menjëherë me komente të shumta, ku i shprehnin atij sesa shumë ia kishin ndjerë mungesën.
Por në profilin e tij, Bieber ende nuk ka postuar asgjë të re. Justin mungoi në ceremoninë e MTV Video Music Awards, pasi ndodhet në Meksikë duke shijuar pushimet me të dashurën Sofia Richie.
Burimi: Hollywood Life
