Aktori i njohur kosovar, Jeton Zogjani, ka folur së fundmi në emisionin “Show Time” ku ndër të tjera ka dhënë mendimin e tij përsa i përket kandidimit të koleges së tij, Adriana Matoshit si deputete nga radhët e Lëvizjes Vetëvendosje. Aktori ka deklaruar se nuk pret shumë nga Matoshi dhe ka dhënë arsyet për këtë deklaratë të tij.
“Mendoj që vështirë e ka të bëjë dicka konkrete dhe që do mbahet mend, sepse grupi parlamentar është shumë i madh, ka politika që vijnë nga lart dhe duhet të zbatohen poshtë. Mendoj që vështirë e ka me bë diçka që ia vlenë, por megjithatë unë e uroj dhe e përgëzoj sepse më mirë është që të jetë Adriana në parlament sesa një bandit. Sepse ajo është vërtetë një vajzë, një grua dhe një nënë e mirë, një aktore profesioniste dhe mund ta bëjë punën më së miri që di dhe që mundet”, ka thënë Zogjani në “Show Time”.
Matoshi, e cila ka qenë kandidate për deputete nga radhët e Lëvizjes Vetëvendosje ka marrë 10 mijë e 403 vota në zgjedhjet e 14 shkurtit.
Kështu, ajo ka lënë pas me vota dhe deputetë të njohur të kësaj partie si Xhelal Sveçla, Salih Zyba, Fatmire Kollçaku, Dimal Bash dhe Fitore Pacolli.
