Festivali më i dashur i muzikës shqiptare, “Kënga Magjike”, i drejtuar nga Ardit Gjebrea, nuk do të mungojë as këtë vit! Ditën e sotme me rikthimin në “E diela shqiptare”, Ardit Gjebrea zbuloi listën me artistët BIG që do të marrin pjesë këtë vit në festival. Sipas traditës faza e parë prezantuese e këngëve do të jetë në programin “E diela shqiptare” dhe do të nisë shuëm shpejt. Ndërkohë artistët BIG që do të marrin pjesë këtë vit në festival janë:
Alban Ramosaj, Ardit Stafa & Salije Bajrami, Eneda Tarifa, Enxhi Kumria, Era Rusi, Erik Lloshi, Eva Alikaj & Çlirim Denaj, Fifi & Bruno, Fitnete Tuda & Don Duli, Gerta Mahmutaj, Julian Lekocaj, Klajdi Haruni & Flori Mumajesi, Krusita, Lindita, Lorenc Hasrama, Marjona Metohu, Marsela Çibukaj, Orgesa Zaimi, Semi Jaupaj, Soni Malaj, Xhesika Polo & Klint Çollaku, Xhon Jesku, Aurel Thëllimi, Eltina Minarolli & Dea Strica
“Kënga Magjike” do të nisë nga data 21 mars dhe finalja do të mbahet në 29 maj. Ndryshe nga çdo vit tjetër, këtë vit festivali “Kënga Magjike” do të shpërblejë si asnjëherë më parë të gjithë artistët pjesëmarrës. Ky solidaritet do të bëhet me qëllimin për të nxitur artistët dhe për të mbajtur gjallë magjinë e këngës shqipe.
“Interesimi i artistëve për festivalin magjik na ka prekur. Edhe pse në një situatë pa aktivitete, përsëri dëshira për të investuar për dashurinë e tyre- këngën, është impresionuese. Ndaj, në shenjë mirënjohjeje, produksioni i “Kënga Magjike” ka vendosur që për çmimin e parë të festivalit të japë 500.000 lekë, ndërsa për 19 finalistët e tjerë, nga 200.000 lekë secilit.
Eshtë ky një solidaritet me artistët, për të mbajtur në këmbë magjinë e këngës shqipe.”, njoftoi Ardit Gjebrea disa javë më parë.
