Përgjatë rubrikës “Trotuar” në “E Diell”, ish-konkurrentja e “Për’puthen”, Ana Lleshi u gjend përballë pyetjeve të shumta lidhur me historinë e saj, të cilën ende e reja nuk e ka ndarë me publikun. Ana u shpreh se ndodhia e saj në të shkuarën është vërtet e trishtë, ndonëse përgjatë jetës së saj ka zgjedhur të mos ia besojë gjithkujt. Ishte ish-konkurrentja Shqipe Hysenaj, ajo e cila iu drejtua:
“Si ka mundësi që të gjithëve u ke nxjerrë sekrete dhe ti nuk ke thënë asgjë? Hyje në labirintin e të tjerëve, por vetë nuk fole?”
Ana tha se thjesht i kanë besuar asaj për disa gjëra.
“I kuptoj, ndoshta pasi edhe vetë kam një të kaluar jo shumë të bukur. Por jam shumë krenare për të shkuarën dhe gocën që jam sot. Kam histori që me të vërtetë trondit, nëse do e thosha pa censurë. E kam përqafuar atë të shkuar, dhe kam nisur të ec para. Nuk e kam thënë ende se ndoshta nuk kam gjetur momentin dhe vendin e duhur. Por me siguri që një ditë do ta bëj, por deri tani nuk jam ndjerë rehat. Nëse ende nuk ua kam besuar as miqve të mi, se e dinë shumë pak njerëz, nuk e kam bërë pasi dua që të njihnin Anën që është sot, nuk kam dashur të më shohin për gjynah. Por të më shohin kështu si jam unë tani, me të mirat dhe të këqijat e mia”, tha Ana.
Ajo shtoi se me historinë do qanin edhe njerëzit që e kanë sharë, e madje do thoshin sa gjynah.
“Nëse nuk më keni qejf, duhet të keni një arsye, por jo kot. Nuk dua që këto njerëz që nuk më duan, të më kenë qejf për shkak të historisë sime. Ka shumë dhunë dhe rrugë, por jo prostitucion”, tha Ana.
