Shpesh për qetësimin e kollës përdorim çajra të ndryshëm me bimë të cilat qetësojnë rrugët e frymëmarrjes. Jo të gjithë e shijojnë apo pëlqejnë një gotë çaj me bimë të ndryshme, pavarësisht se më të rriturit na këshillojnë t’i përdorim dhe besojnë “verbërisht” në efektin e tyre.
Mirëpo, një pije tjetër mund të zëvendësojë fare mirë çajrat, ndaj kemi një lajm për ju!
Sipas një studimi kakao është pija perfekte për qetësimin e kollës, dhe ky stum është i bazuar në fakte.
Teobriminës është përbërësi, i cili gjendet në një kokërr kakao në masën 2% dhe ka efektin e qetësimit. Një studim britanik, i drejtuar nga Alyn Morice, drejtoreshë e Cough Clinic në Universitetin e Hull në Yorkshire të Anglisë, ka zbuluar se pirja e dy filxhanëve kakao në ditë apo marrja e kapsulave me kakao, ndikon për të ndaluar kollën.
Ata morën në studim 13 pacientë dhe rezultati ishte qetësimi i kollës me 33%!
Pra, që sot e tutje mund të refuzoni sa të doni çajin dhe të mos ndiheni keq! Kakao do t’ju shpëtojë nga kolla e fortë dhe e shpeshtë, si dhe nga dhimbja therëse e fytit. Ndaj, mos ngurroni ta përdorni si dhe t’ja këshilloni të gjithë personave me rrufë!
