Soni Malaj duket se u përfshi nga nostalgjia dhe vendosi të rishpërndante një postim të sajin që daton shtatë vite më parë. Në fotografinë e postuar në Instagram Story shfaqet vetë këngëtarja, së bashku me artistet Miriam Cani dhe Tuna Sejdi.
Marrëdhënia veçanërisht mes Sonit dhe Tunës shfaqet tepër e afërt. Madje muaj më parë u aludua për një projekt të mundshëm muzikor nga dyshja, nisur nga disa fotografi të publikuara së bashku. Soni Malaj publikoi një fotografi krah Tunës, teksa po qëndronin në një nga lokalet e Prishtinës, ku shkroi “Partnerja ime në krim.”
View this post on Instagram
Më pas, Tuna publikoi një foto të Sonit ku tha se nuk mund të mbante distancë me të.
Shoqëria mes artisteve u përfol para disa vitesh për një krisje të mundshme, gjatë X Factor Albania, ku që të dyja ishin pjesë e jurisë. Thuhej se prej këtij formati televiziv, Soni Malaj dhe Tuna Sejdi kishin një mosmarrëveshje, që çoi në distancim mes tyre, përkohësisht.
Nga ana tjetër, Miriami po shijon suksesin e këngës së saj “Sa shumë të dua”, që në fakt është shkruar nga Albani dhe i dedikohet djalit të tyre, Duamit.
“Sa të kem frymë me ty do të këndoj, me ty do të vallëzoj. Çdo ditë nuk lodhem ta them, sa shumë të dua. Dhe kur më sheh me atë shikim më ke dhënë gjithçka shpirti im. Çdo ditë nuk lodhem ta them, sa shumë të dua”, shprehet Miriami në këngë.
