Rep-artisti i njohur, Meek Mill, i ka dedikuar një pjesë të tekstit të këngës së tij më të re basketbollistit Kobe Bryanti cili humbi jetën së bashku me të bijën Gianna në një aksident ajror.
Mesa duket, kjo këngë nuk ka tingëlluar mirë për bashkëshorten e të ndjerit, Vanessa Bryant, e cila e ka kritikuar reperin Meek Mill.
Ajo ka thyer heshtjen gjatë ditës së djeshme (e hënë), përmes një postimi në rrjetin social Instagram,
“Nëse ndonjëherë është e nevojshme, do të hidhem nga helikopteri, duke u bërë tjetër Kobe”, ishte teksti i reperit.
Vanesa e ka ndarë në InstaStory fotografinë e tekstit të kësaj kënge, duke shtuar se Mill mund të bëjë më mirë se kaq. Po ashtu ajo theksoi se ka mënyrë të tjera të shkrimit për të përshkruar admirimin ndaj basketbollistit.
“I dashur Meek Mill. Mendoj se ky tekst është ekstremisht intensiv dhe mos-respektues. Nuk di shumë rreth muzikës tënde, por mendoj që mund të bësh më mirë”, u shpreh bashkëshortja e të ndjerit.
Ajo gjithashtu ndau një mesazh mbështetje nga ylli i basketbollit Candace Parker, i cili shkroi:
“Më vjen keq që ju dhe vajzat tuaja vazhdimisht duhet të merreni me gjëra të tilla si kjo. Nuk është e drejtë.”
Kujtojmë se kënga e Mill, një bashkëpunim me reperin tjetër Lil Baby u shfaq javën e kaluar në internet.
