Aktorja bukuroshe, Megan Fox, është vënë në shenjestër të mediave rozë kohët e fundit.
Ajo është ‘kryqëzuar’ nga ndjekësit e saj pasi bëri një postim të modifikuar me photoshop në rrjetin e saj në Instagram. Në këtë postim, ajo deklaronte se mbante një qëndrim kundër mbajtjes së maskave të fytyrës, në mes të pandemisë së koronavirusit. Ndjekësit e saj janë revoltuar dhe e kanë vënë aktoren në qëndër të kritikave të tyre, si një papërgjegjshmëri e saj, në një kohë kur personat influencues si ajo nuk duhet të japin mesazhe të tilla të cilat ndikojnë negativisht tek fansat e saj.
Megjithatë, ditën e djeshme ajo është fotografuar në Clabasas, teksa nuk respektonte rregullin anti-covid për mbatjen e maskës.
E veshur plot stil, aktorja mori padyshim vëmendjen e audiencës. Megan kishte kombinuar një bluzë dhe pantallona të zeza, me një xhaketë me nuancë të gjelbër.
Një veprim i tillë erdhi pasi ajo nëpërmjet një deklarate në Instagram, hodhi poshtë aludimet, ku thuhej se Megan ishte kundër maskave.
“Unë kurrë nuk kam bërë deklaratë në lidhje me mbajtjen e maskave. E frikshme që mund të bëheni virale dhe ndoshta të kryqëzoheni shoqërisht për diçka që nuk e keni bërë. Interneti është kaq argëtues”, ka shkruar në InstaStory aktorja e famshme bukuroshe.
