Disa muaj më parë Chrissy Teigen humbi pas një aborti fëmijën e tretë të saj. Fatkeqësisht vogëlushi nuk mundi t’i shpëtonte një hemoragjie që pati modelja dhe pasi ai lindi pa jetë ajo bëri një postim shumë prekës në rrjete sociale. Nëse fëmija do të kishte arritur të mbijetonte, ai do të kishte ardhur në jetë ditën e djeshme, që ishte planifikuar si dita e tij e lindjes.
Për të nderuar figurën e fëmijës që nuk mundi të lindte, Chrissy ka nbërë një postim shumë emocionues në rrjete sociale. Ajo ka publikuar në Instagram një foto, në të cilën shihet se në kyçin e dorës mban 3 byzylykë me emrat e fëmijëve, duke përfshirë edhe Jack, emri të cilin kishin menduar për vogëlushin.
“Sot ishte dita që ti do të lindje. Do të të duam përgjithmonë”, ka shkruar Chrissy përkrah fotos.
Pas kësaj ngjarje të rëndë, Chrissy mori dhe një vendim drastik. Ajo vendosi të mos ngelet kurrë më shtatzënë.
“Kjo jam unë dhe trupi im. Edhe pse unë nuk jam më shtatzënë, çdo gjë në pasqyrë më kujton se si mund të ishte. Dhe unë nuk kam asnjë ide pse e kam barkun të fryrë, sinqerisht është shumë e mërzitshme. Më pëlqen shumë të jem shtatzënë dhe ndihem e trishtuar që nuk do të jem kurrë më. Por jam me fat që kam 2 fëmijë të mrekullueshëm që po transformohen në njerëz të rritur çdo ditë e më shumë”, u shpreh modelja pak kohë më parë.
