Para disa ditësh Fifi ishte në qendër të vëmendjes mediatike për shkak të një koncerti që mbajti me rastin e 13-vjetorit të pavarësisë së Kosovës. Pamjet e njerëzve që kërcenin shumë afër njëri-tjetrit i shqetësuan të gjithë, duke pasur parasysh që situata nga pandemia sa vjen e vështirësohet. Fifi mori kritika të shumta nga fansat e saj pas këtij koncerti, pasi veprimin e saj e konsideruan si shumë të papërgjegjshëm.
Mirëpo Fifi ju përgjigj gjithë sulmeve me një video në rrjete sociale duke u shprehur se ka 11 muaj pa punë.
“Mos prekni aty ku nuk duhet, se jam 11 muaj pa punë, unë dhe të gjithë artistët e tjerë”, u është drejtuar Fifi ndjekësve të saj.
Megjithatë ajo e ka hedhur pas krahëve gjithë këtë situatë dhe kritikat e panumërta dhe sot ka bërë një bisedë virtuale me ndjekësit e saj. Këngëtarja i ka lënë ata të lirë ta pyesin për çdo gjë dhe përmes kësaj “interviste” me ta ka zbuluar se i ka shpëtuar burgut pak kohë më parë për një qime.
Dikush nga ndjekësit e ka pyetur:
“A është e vërtetë se ti dhe Mario Novak mund të kishit përfunduar në burg në aeroporot 1 muaj më parë?”.
Fifi e ka pranuar këtë gjë, por nuk ka treguar se cila ka qenë arsyeja. Ajo është shprehur se fatmirësisht ja ka dalë mbanë ta kalojë këtë situatë pa përfunduar në burg.
“Po është e vërtetë! Dhe sinqerisht nuk ja kam idenë si dolëm nga ajo situatë. Mario Novak tregoju pak zemër”, ka shkruar Fifi dhe përgjigjen e ka shoqëruar me disa emoji duke qeshur me lot.
Tashmë u bëmë të gjithë kuriozë të dimë se ç’ka ndodhur në të vërtetë dhe pritet të shohim nëse mikesha e Fifit do të tregojë të tjera detaje.
