Sot, çifti më i njohur e i komentuar në mbarë botën, Kim Kardashian dhe Kanye West i kanë dhënë fund martesës së tyre.
Siç raportojnë mediat e huaja, Kim ka firmosur sot, më 19 shkurt, letrat e divorcit nga partneri dhe ndarja e tyre ishte tepër paqësore.
Ata nuk ia dolën dot të mbajnë martesën e tyre dhe pas 6 vitesh, kanë vendosur të vazhdojnë në drejtime të ndara në jetët e tyre. Sipas “TMZ”, Kim ka këruar kujdestarinë e 4 fëmijëve.
Kim dhe Kanye u martuan në 24 maj të vitit 2014 dhe lidhjen e tyre e nisën në prill të vitit 2012.
“Kanye nuk është mirë. Ai është në ankth dhe shumë i trishtuar. Ai e di se martesa ka marrë fund dhe e di që nuk ka më asgjë që mund të bëhet tani. Gjithashtu ai e di se çfarë po humbet nga Kimi”, ka thënë një burim pranë reperit për “People”.
Sipas këtyre burimeve, 2020 kanë qenë një vit në të cilin çifti tentuan të shpëtonin marrëdhënien e tyre dhe t’i jepnin njëri-tjetrit një shans. Në fillim të këtij viti u konfirmua se Karadashian planifikonte t’i jepte fund martesës së saj me West.
“Ata nuk janë në të njëjtën faqe kur vjen puna tek e ardhmja e tyre si familje. Dhe Kim është shumë në rregull me këtë gjë”, thanë persona të afërt të yllit të televizionit asokohe.
Ndërkohë është mësuar se Kanye do të nisë një jetë të re, shumë larg SHBA-ve. Thuhet se reperi ka vendosur të jetojë në Evropë, ndërkohë që tetorin e vitit të shkuar vizitoi kryeqytetin e Britanisë.
Kujtojmë se çifti janë prindër edhe të 4 fëmijëve të vegjël, North, Saint, Chicago dhe Psalm.
