Policia ka vënë në pranga autorin e dyshuar për vrasjen e babait të reperes Nicki Minaj. Mësohet se 64 vjeçari u përplas nga automjeti me të cilin udhëtonte shtetasi Charles Polevich.
Të premten e kaluar, Robert Maraj, po ecte në rrugë në Mineola, në Long Island të shtetit të Nju Jorkut kur u godit nga një makinë, drejtuesi i së cilës u largua nga vendi i ngjarjes.
Për shkak të dëmtimeve të mëdha të marra në trup nga ky aksidenti, ai ndërroi jetë në spital pas 24 orësh.
Autori i dyshuar i kësaj ngjarje, Polevich, po përballet me akuzat e policisë për largimin nga vendi i aksidentit dhe për fshehjen e provave.
Vdekja e babait të Minajt, erdhi vetëm katër muaj pasi ajo mirëpriti në jetë fëmijën e saj të parë me Kenneth Petty.
Këngëtarja me famë botërore, Nicki Minaj, lindi në Trinidad dhe u rrit në Queens, New York, ku filloi karrierën e saj muzikore.
Besohet se këngëtarja 38 vjeçare ka patur një marrëdhënie të komplikuar me të atin. Minaj ende nuk ka dhënë asnjë koment në rrjetet e saj sociale dhe asnjë deklaratë lidhur me këtë ngjarje.
Besohet se këngëtarja 38 vjeçare ka patur një marrëdhënie të komplikuar me të atin. Minaj ende nuk ka dhënë asnjë koment në rrjetet e saj sociale dhe asnjë deklaratë lidhur me këtë ngjarje.
