Premiera e filmit “Cruella”, është publikuar në kanalin zyrtar të Walt Disney, ku mësohet se rolin kryesor në këtë film do ta ketë aktorja shumë e dashur për publikun, Emma Stone.
She’s just getting started, darling ? pic.twitter.com/m9q9Mmo5hv
— Disney (@Disney) February 17, 2021
Aktorja amerikane do të portretizojë rolin e keqbërëses nga filmi “101 Dalmatët” të njohur si Crudella de Vill. Mësohet se ngjarja në film do të portretizohet nga rinia e aktores.
Në këtë film do të luajnë edhe aktorët e njohur Joel Fry, Paul Walter Hauser, Emma Thompson, Emily Beccham, Mark Strong dhe shumë emra të tjerë të njohur të botës kinematografike.
Për regjinë është angazhuar Craig Gillespie. Vlen të theksohet fakti që aktorja që ka luajtur rolin e Cruellas në filmin e vitit 1996, “101 Dalmatët”, Glenn Close është producente ekzekutive e filmit të ri.
Në mars të këtij viti, pritet që filmi “Cruella” të nisë shfaqjet në kinema.
Në vitet e fundit janë bërë shumë të populluara rolet negative në botën kinematografike dhe për këtë arsye duket se përqendrimi i Disneyt është në këtë pjesë.
Kritikët e këtij filmi kanë pohuar se ky film po përpiqet shumë në mënyrë që të arrijë sukseset e filmave “Joker” dhe “Batman”, të cilët e kanë fokusin po ashtu në personazhe me role negative.
