Mbrëmjen e djeshme Roza Lati ishte e ftuar në programin “Roped With Olsi” dhe aty foli për herë të parë pas një deklarate të fortë të Stresit. Ky i fundit ju kthye kundër Rozës, pasi ajo e krahasoi partneren e tij, Keisin, me një jashtëshqitje.
“Për këtë vajzën ka ngelur kjo, për reagimin e saj ekstrem kot palidhje që pati për skeçin që patëm me Stresin. Disa njerëz ca gjëra i bëjnë për vëmendje, famë”, u shpreh Roza.
Pas kësaj interviste reagimi i Stresit ishte shumë i ashpër. “Roza si do ndiheshe të ofendoj nënën ty? Keisit s’i vijnë as te thembra vajza si ty”, shkroi reperi.
Ndërsa Roza tregoi në “Roped With Olsi” se nuk flet më me Stresin dhe sipas saj shkak është bërë Keisi, për të cilën tha se nuk i mban mend as emrin.
“Stresi. Më vjen shumë keq se e kam shumë xhan. Është super çun, e dua shumë. Nga gjithë reperët që kam patur në studio është i vetmi që s’ma ka lujt. Është më korrekti. Por, kur e pata në studio dhe i dhashë prioritet për skandalin që ka patur atëherë që ta nxjerrja sa më mirë u çua ajo vajza që s’ia mbaj mend emrin. Bashkëshortja e tij, nuk e di a janë akoma bashkë. Ajo pati një reagim shumë të keq. Pati një përplasje dhe unë ndjej një lloj barriere me Stresin dhe e du fort si çun”, u shpreh Roza.
Mirëpo kundërpërgjigja e Keisit nuk ka vonuar fare. Ajo shkruan se Roza është ajo që në fakt po kërkon famë dhe se nuk ka pse ta mbajë mend e as të përmend emrin e saj.
“Është e fortë kur përpiqen të sillen sikur unë jam e parëndësishëm për ta “nuk e mbajn mend emrin tim” ndërkohe më përmendin në çdo intervistë që kanë … pas asaj skiç palidhje unë reagova, dhe më pas e mbylla si temë. Nuk e ndjeva të arsyeshme të merresha me këtë temë edhe pse mu kushtuan 550 story…. Tani të mos flasim për njerëzit që kërkojnë famë kur vetë e ndërtojnë karrierën në kurriz të famës së “kolegëve”. Unë nuk ha bukë nga fama, nuk me hyn në punë, por ndoshta aty ju djeg dhe dalin në atë përfundim. Gjithsesi, emrin tim nuk kanë pse ta mbajnë mend apo ta përmendin se nuk kam lidhje me njerëz të tillë! Sot ndihem shumë e çliruar kur shoh që e bëjnë vetë të ditur që unë nuk kam lidhje me to sepse të them të drejtën më vjen turp të shkruajnë portale për mua ku ngjit krah fotos time, te jetë fotografia juaj”, shkruan Keisi.
