Alban Ramosaj prej kohësh është zhvendosur nga Shqipëria për të nisur një jetë të re në Spanjë. Këngëtari ka treguar se dëshiron shumë që ta vizitojë Shqipërinë, por gjatë kësaj kohe nuk ka mundur ta bëjë realitet ëndrrën e tij për shkak të kushteve të pandemisë. Megjithatë duket se Albani do të nisë tashmë udhëtimet me avion dhe kjo e ka detyruar që të kryejë një test koronavirusi.
Këngëtari ka zbuluar se ka marrë përgjigjen pas kryerjes së tamponit dhe se fatmirësisht është negativ. Ai është shprehur shumë e lumtur pas marrjes së rezultatit, sepse menjëherë do të nisë udhëtimet.
“Vrapo për tek avioni”, ka shkruar ai përkrah fotos së testit.
Kujtojmë se disa ditë më parë Albani mori ftesë nga një program në Spanjë, i ngjashëm me “Për’puthen” për t’ju bashkuar si konkurrent.
“Na pëlqeu profili yt dhe vendosëm të të kontaktonim. Ne po kërkojmë për djem dhe vajza të ngjashëm me profilin tënd. Nëse je beqar, nëse je në moshën e duhur, nëse do të përjetosh një eksperiencë dhe të njohësh një nga vajzat tona, kjo është koha”, shkruhej në ftesën që ju bë Albanit.
Këngëtari nuk e pranoi ftesën, megjithatë ju hyri kërkimeve për të parë se ç’është bërë në edicionet e mëparshme.
“Tani u bëka fjalë për këtë emisionin dating… kam qëkur kam hap sytë që qesh e tallem saqë po mendoj të shkoj me verte të bëhem i famshëm pa arsye. Shif ça drame bëhet këtej mo”, shkroi Ramosaj. Duk u tallur.
