Shefja e Infektivit Najada Çomo ka denoncuar në polici një vajzë nga Berati, sepse e shqetësonte vazhdimisht me telefonata. Është mësuar se 32-vjeçarja nga Berati ka pasur të sëmurë një familjarin e saj dhe rastin e tij e ka trajtuar Çomo. Gjatë kohës që i afërmi i saj ka qenë i sëmurë, shefja e Infektivit e informonte vazhdimisht të renë për gjendjen shëndetësore.
Vajza kishte vijuar edhe më tej me shqetësimet ndaj Najada Çomos, duke e telefonuar mbi 20 herë në ditë. Madje bëhet me dije se ajo e shantazhonte dhe i fliste shefes së Infektivit me fjalë banale. Duke parë që e reja nga Berati nuk hiqte dorë nga telefonatat dhe shqetësonte mjeken, kjo e fundit vendosi ta denonconte 32-vjeçaren duke e referuar rastin në polici.
Në njoftimin e policisë thuhet:
Më datë 15.02.2021, u referuan materialet në Prokurorinë pranë Gjykatës së Shkallës së Parë Tiranë, për shtetasen M. Ç., (S), 32 vjeçe, banuese në Berat, sepse prej datës 28.01.2021 dhe në vazhdim, ka shqetësuar me telefonata të shumta, shtetasen N. Ç.
Thirrjet telefonike keqdashëse që bëhen me qëllim për të prishur qetësinë e tjetrit, përbëjnë kundërvajtje penale dhe dënohen me gjobë ose me burgim deri në një vit. me burgim deri në një vit.
