Në kohën kur Ronald Reagan mbante postin e presidentit të Shteteve të Bashkuara, princeshë Diana do të vallëzonte me artistin John Travolta brenda Shtëpisë së Bardhë, por do të ishte një tjetër president ai që do të rrëmbente vëmendjen e saj.
Më vonë atë ditë, te një festë e organizuar nga botuesja e ndjerë e Washington Post, Kay Graham, në një takim të dytë dhe të fundit të saj me filantropin Warren Buffett (një bisedë që për vite mbeti sekrete), e ndjera do t’i tregonte se kush ishte sipas saj, burri më tërheqës në botë. Bëhej fjalë për Bill Clinton-in.
Buffett u caktua të ulej pranë Dianës, diçka kjo tepër e sikletshme, nisur nga një takim aspak i këndshëm mes tyre, kohë më parë. Dikur, Diana dhe Buffett ishin njohur në një tjetër organizim festiv të Graham-it, që sipas tij rezultoi në një takim katastrofë.
“Në një moment gjatë festës isha vetëm në bibliotekë me Dianën… për rreth 15 minuta. Nuk mbaja mend as emrin tim, nuk dija çfarë të thoja. Katastrofë”.
Sidoqoftë, në takimin e tyre të dytë, Diana duket se u ndje mjaft mirë nën shoqërinë e Buffett-in, sa i tha mendimin e saj rreth pamjes së Clinton-it, me të cilin ishte takuar në Shtëpinë e Bardhë, po atë ditë.
“Nuk e pyeta se kush ishte burri më pak seksi në botë”, tregon më tej me humor Buffett.
Ai shtoi se të tjerët që ishin të pranishëm në tryezë u përpoqën të mbanin nën kontroll mimikat. Diana dhe Princi Charles u martuan në vitin 1981 dhe u ndanë në 1992-shin, para se të divorcoheshin në 1996-ën. Vetëm një vit pasi u divorcua, Diana ndërroi jetë nga plagët që mori në një aksident me makinë në Paris.
Pas aksidentit fatal të makinës, Clinton foli në mbështetje të punës së Dianës për fëmijët, njerëzit me AIDS dhe disa kauza të tjera. Ai gjithashtu inkurajoi publikun të mbështeste fëmijët e saj, William-inBised dhe Harry-n.
