Elvana Gjata feston sot ditëlindjen dhe dhuratat e urimet që ka marrë në këtë ditë, i ka ndarë me ndjekësit e saj në Instagram.
Mikesha e saj më e mirë, Jonida Vokshi, e uroi me fjalë zemre dhe më vonë nuk mungoi edhe surpriza e bukur e dy prindërve të saj, të cilët i shkuan në derën e shtëpisë me buqeta lulesh në duar.
Të gjitë presim të shohim sot vetëm dhuratat e Elvanës, por ishte ajo që i bëri fansave të saj dhuratën më të bukur në ditën e lindjes.
Pa lajmëruar asgjë më herët, këngëtarja publikoi papritur sot projektin e titulluar “Thirr” që na i preku zemrat. Ju këshillojmë tëmos e humbni këtë baladë kaq të ndjerë, fiks për këto ditë të ftohta.
Elvana ka lindur në 3 shkurt 1987 dhe sot feston 34-vjetorin e lindjes. Pavarësisht se vitet kalojnë ajo vazhdon të mbetet po e njëjta vajzë e bukur dhe plot energji pozitive.
Ajo numëron hite në repertorin e saj, ndërsa kohëve të fundit i ka munguar publikut.
Këngëtarja ka vendosur të shkëputet paksa nga rrjetet sociale dhe ndjekësit po shpresonin prej kohësh për një projekt të ri. Megjithatë, duket se ajo priti ditën më speciale për këtë projekt të veçantë.
