Me siguri të gjitha vajzat i kanë adhuruar në fëmijëri kukullat Winx! Nëse nuk i mbani mend mirë, po ju rikujtojmë historinë e këtij seriali.
Një vajzë e zakonshme nga Planeti Tokë, Bloom jeton një jetë të përkryer normale në qytetin e Gardenias derisa takon Stella-n, një princeshë nga planeti Solaria, e cila është në telashe. Duke shkuar për ta ndihmuar Stellën, Bloom zbulon fuqitë e saj magjike. Stella bind Bloom-in për t’u bashkuar në Alfea, shkolla më e mirë e zanave në të gjitha sferat. Në Alfea, Bloom formon Klubin Winx, anëtarët e të cilave jane 4 shoqet e saj – Stella, Muza, Tekna, dhe Flora. Më vonë, ato takohen dhe shoqërohen me djemtë Brandon, Riven, Timi dhe Skaj, të cilët gjithashtu do të bëhen të dashuritë e tyre. Anëtarët e Klubit Winx takojnë edhe një treshe të shtrigave nga kulla e reve – Icy, Darcy, dhe Stormy, të cilat njihen si Trix. Trix janë në kërkim të fuqisë së Flakës së Dragoit dhe ndjekjet e tyre të pamëshirshme çojnë në shumë takime dhe beteja me Klubin Winx. Bloom gjithashtu fillon të mësojë sekretet e planetit të saj, prindërit dhe fuqitë.
Sezoni i parë i Winx Club u shfaq në Itali më 28 janar 2004.
Kaq shumë vite pas transmetimit të sezonit të parë, Netflix rikthen këtë serial, por kësaj here me njerëz të vërtetë.
“Fate: The Winx Saga” quhet seriali që u publikua më 22 janar dhe kësaj here është për të rritur.
Sezoni i parë i serialit përbëhet nga 6 episode, ndërsa në varësi të ecurisë së tyre do të vendoset edhe për fatin e serialit. Mirëpo, publiku duket i zhgënjyer nga “Fate: The Winx Saga” pasi karakteret në këtë serial nuk përputhen me karakteret e versionit origjinal.
Një pjesë e vendeve dhe njerëzve janë totalisht ndryshe, gjë që nuk i ka pëlqyer aspak ndjekësve.
Musa, dikur zana e muzikës tani është “një zanë mendje” që ndjen emocionet e njerëzve. Gjithashtu, Flora, zana e natyrës është fshirë fare dhe zëvendësuar nga Terra, interpretuar nga Eliot Salt, që nuk ngjason me vajzën latine të serialit origjinal.
Kështu, versioni në “Netflix” është cilësuar si ‘një hap mbrapa’ për këtë serial.
