Mbrëmjen e sotme Enxhëll, vajza që vendosi të vetëeleminohej nga emisioni “Love Story” javën e shkuar, i surpriozi të gjithë me një videomesazh. Ajo kishte shkruar një letër për Saimriin, të cilën e lexoi mes lotësh. Enxhëll u shpreh se javën e shkuar kishte marrë një vendim të nxituar, duke qenë e ngarkuar emocionalisht. Ajo shtoi se takimet me Saimrin kanë qenë gjëja më e bukur për të në “Love Story” ndaj i bëri një kërkesë të pazakontë.
“Ti më ke dhënë emocione pafund, një javë më parë nuk u tregova e fortë, lashë emocionet të më dominonin. Kërkoj ndjese për ty, produksionin, vajzave dhe shpresoj të mos më paragjykojnë, por unë dua t’i kthehem sërish asaj gare në mënyrë të barabartë me vajzat e tjera, uroj të kemi mirëkuptimin tuaj”, tha Enxhëll.
Mirëpo Saimri nuk mundi të jepte një përgjigje duke u shprehur se i duhej kohë për të marrë një vendim për ish-konkurrenten. Për shkak të surprizës së Enxhëll, ceremonia e trëndafilave nuk u finalizua dhe në televizion nuk u transmetua se cila vajzë u largua.
Mirëpo në faqen e “Love Story” është bërë e ditur se Saimiri ka eliminuar Suelën. Takimet mes Suelës dhe Saimirit kanë qenë gjithmonë shumë të bujshme, sidomos kur ata të dy shkëmbyen puthjen e parë me njëri-tjetrin. Asokohe vajzat konkurrente dhe opinionisti Robert Aliaj, ju kthyen kundër Saimirit, pasi sipas tyre ai nuk mund të puthte çdo vajzë, duke qenë se një javë më parë ai kishte puthur në buzë edhe Silvanën.
