Miley Cyrus ka treguar prej kohësh se është biseksuale dhe së fundmi ka folur në lidhje me drejtimin e saj seksual. Këngëtarja është shprehur në një intervistë se për të ka më shumë kuptim të jetë në një lidhje me një vajzë se sa me një djalë, sepse sipas saj trupat e femrave janë shumë të tërheqës se të meshkujve.
“Vajzat janë shumë më seksi. Ne e dimë këtë gjë. Të gjithë mund të biem dakord se që nga kohët antike organet gjenitale të meshkujve mund të bënin skulptura të mrekullueshme. Për më tepër, unë nuk jam aq e interesuar. Mua më pëlqejnë si vepra arti. Dhe në skulpturë, më pëlqen shumë forma”, është shprehur këngëtarja për SiriusXM.
Ajo ka shpjeguar se ka një lidhje më të ngushtë me femrat dhe se i pëlqen më shumë të dalë në takime romantike me to. Këngëtarja është shprehur se dinamikat mes dy grave janë më të qarta, se sa në një lidhje mes një mashkulli dhe një femre.
“Roli që unë kam pasur në marrëdhënie me një femër kishte më shumë kuptim, sepse nuk ekzistonte kjo gjëja e çuditshme që unë paguaj për gjithçka dhe çfarëdo gjëje tjetër. Nëse unë do të jem me një vajzë, jam plotësisht gati të jem me një vajzë që është po aq e suksesshme, ose më e suksesshme se unë”, ka thënë këngëtarja, duke shtuar se në çdo lidhje që ka pasur si me vajza dhe me djem, ajo ka qenë më dominante.
Në verën e vitit 2019-të, këngëtarja ka qenë në një lidhje të shkurtër me Kaitlynn Carter, vetëm pak kohë pasi i dha fund martesës me Liam Hemsëorth.
