Justin dhe Hailey Bieber janë dhe do jenë gjithë shumë të komentuar. Dhe po ashtu, të gjithë jemi të vetëdijshëm se pas martesës me modelen amerikane, këngëtari është bërë një djalë i mbarë, që qëndron larg skandaleve.
Madje kohët e fundit ai na ka habitur të gjithëve me këngët e reja ku shfaqet tejet nostalgjik, duke na njohur me realitetin e famës në adoleshencën e tij dhe pasojat e të qenurit në qendër të vëmendjes kur je ende fëmijë.
View this post on Instagram
Justin dhe Hailey janë përfolur kohët e fundit se po presin fëmijën e tyre të parë. Ishte modelja ajo që mohoi zërat në një status, ku shprehej se mediat duhet të ndalojnë së shkruari gjëra të pavërteta.
Në misionin “The Ellen DeGeneres Show”, Justin ia ka lënë Hailey-t topin në fushën e saj për çështjen e fëmijëve. Justin ka treguar se ai dëshiron të ketë sa më shumë fëmijë, sigurisht me aq mundësi sa do të ketë Hailey për t’i sjellë në jetë.
“Unë do të kem aq fëmijë sa Hailey do të jetë e gatshme t’i sjellë në jetë. Unë vetë do të doja të kisha një klan të vogël. Është trupi i saj dhe ajo bën çfarëdo që dëshiron”, ka thënë Justin.
Ndërkohë, së fundmi, Hailey Bieber ka bërë që fansat të spekulojnë në lidhje me planet e tyre për zgjerimin e familjes, pasi modelja u shfaq me bebushen e motrës së saj, Alaia Baldwin, pesë muajshe Iris në disa foto të reja. Në fotot që ajo ndau në Instastory, bashkëshortja e Justin Bieber mund të shihet duke marrë disa “leksione mëmësie” teksa tund dhe i këndon mbesës së saj.
24-vjeçarja shihet duke i kënduar të voglës një këngë nga fëmijëria të cilën ia kishte kënduar nëna e saj dikur.
‘Nana më këndonte këtë kur isha fëmijë,’ mbishkroi Hailey.
Fansat e Hailey Bieber e pëlqyen postimin dhe kanë filluar të mendojnë se mos ndoshta çifti Bieber ka vendosur të zgjerojë familjen.
Nuk e dimë nëse këto aludime janë të vërteta, por në një intervistë të dhënë në shkurt të 2019-tës për “Vogue”, modelja tha se nuk ka një plan të bëjë ndonjë fëmijë të paktën edhe për disa vite.
