Papa Françesku ka marrë dozën e parë të vaksinës kundër Covid-19. Lajmi u bë me dije nga zëdhënësi i Vatikanit, Matteo Bruni.
Në një deklaratë për shtyp, Bruni konfirmoi që brenda programit të vaksinave të Vatikanit, doza e parë e vaksinës Covid-19 i është injektuar Papa Françeskut.
Selia e Shenjtë ka konfirmuar 27 raste me koronavirus, sipas Universitetit Johns Hopkins.
Papa, 84-vjeçar në mesazhin e tij të fundit për Krishtlindje tha se vaksinat e koronavirusit duhet të jenë në dispozicion për të gjithë, edhe për vendet e varfra.
Vaksinat e Pfizer/BioNTech kanë ka mbërritur në Vatikan dhe fushata e imunizimit nisi në Aula Paolo VI. Bëhet e ditur se do të vaksinohen si qytetarët e Vatikanit, që janë gati 600, ashtu dhe rreth 5 mijë punonjës bashkë me të afërmit e tyre.
Për të ruajtur vaksinat, janë blerë frigoriferë të posaçëm për temperature tejet të ulëta. Ndërsa që prej fillimit të pandemisë në Vatikan janë shënuar 27 raste pozitive me Covid-19 dhe asnjë vdekje.
Kujtojmë se më 11 janar vaksinimi nisi dhe në vendin tonë. Edhe kryeministri Edi Rama ka marrë vaksinën anti-Covid. Rama ishte i dyti që mori injeksion pas shefes së Infektivit, Najada Çomos.
Kujtojmë se më 11 janar vaksinimi nisi dhe në vendin tonë. Edhe kryeministri Edi Rama ka marrë vaksinën anti-Covid. Rama ishte i dyti që mori injeksion pas shefes së Infektivit, Najada Çomos.
