Seriali shumë i famshëm dhe i dashur për publikun, “Sex and the City”, po rikthehet sërish në ekran dhe jo si film por si serial, për t’ia bërë qejfin të gjithëve,
Sarah Jessica Parker ka njoftuar rikthimin e “Sex and the city”, teksa protagonistet e serialit do të kenë të njëjtat role që kishin dikur, duke nisur nga Sarah Jessica Parker, Cynthia Nixon dhe Kristin Davis, por nuk do të jetë “Samantha” e Kim Cattrall.
Rikthimi i vajzave do të mbajë emrin: ‘Njësoj si dikur dhe do të ketë 10 seri që do të fiksojnë secilin prej nesh para ekranit.
Në fillim lajmi u bë i ditur nga ‘Variety’ e më pas nga vetë Parker e cila publikoi një video ku konfirmonte rikthimin e kastit të famshëm të aktoreve, që mezi e kishim pritur.
Aktorja Kim Canttrall ka njoftuar se nuk do t’i rikthehet serialit “Sex and the City” pa e treguar arsyen e vendimit të saj.
Mirëpo, veprimi i saj i fundit duket se i ka shpjeguar të gjitha. Kim ka reaguar në mënyrë të tërthortë duke pëlqyer në Twitter një status i cili shkruante:
“E adhuroj Sex and the City dhe ndonëse jam i mërzitur që Samantha nuk do të rikthehet, e përgëzoj që po bën çfarë është më e mira për të dhe ky është shembulli që duhet të vendosësh veten para gjithçkaje. Të lumtë Kim Cattrall”
Epo, duket se Cattrall po bën çfarë është e mira për veten e saj, ashtu si edhe vajzat e tjera të serialit.
Xhirimet e këtij seriali do të nisin gjatë pranverës së ardhshme në New York, pasi të qetësohet e gjithë situata e Covid-19. Mezi po i presim!
