Amos Zaharia është një nga aktorët më të mirë të skenës shqiptare. Ai nuk ka folur shpesh në intervista për jetën e tij, por i ftuar së fundmi në “Glamour Zone” ka rrëfyer disa histori që nuk i kemi ditur më parë për të. Aktori rrëfeu se është arrestuar më parë për vjedhje makinash. Por kjo ngjarje nuk është bërë kurrë mediatike, pasi ka ndodhur shumë vite më parë, gjatë periudhës më të vështirë në Shqipëri.
“Më kanë arrestuar për vjedhje makinash. Eshtë e vertetë! Kur isha më i vogël, në kohën e tmerrshme të ’97-ës, më arrestuan se mendonin se vidhja makina. Atëherë gjërat nuk kanë qenë kështu. Atëherë policët të arrestonin edhe vetëm sa për të plotësuar numrin. Më kanë arrestuar realisht për vjedhje makinash, sepse ata mendonin se merresha me këtë gjë, por e kuptuan pastaj thanë ok, ky nuk paska lidhje”, tregoi Amosi.
Amos foli edhe për vitin që lamë pas dhe si momentin më të bukur cilësoi ardhjen në jetë të mbesës së tij, Geraldine, vajzës së Elia Zaharias dhe Princ Lekës. Ai tha se përjetoi një emocion shumë të fortë me lindjen e saj dhe një lumturi të jashtëzakonshme. Amos u shpreh se e vogla ngjan më shumë me Princ Lekën, sepse është bjonde njësoj si ai, ndërsa buzët i ka të trasha njësoj si mami Elia.
