Harry Styles dhe Olivia Wood janë dyshja më e përfolur e momentit. Së fundmi është zbuluar se të dy kanë nisur një lidhje romantike, sepse u fotografuan së bashku në martesën e një shoku dhe fotot po bëjnë xhiron e rrjetit. Ish-këngëtari i One Direction dhe aktorja e Hollywood-it shfaqen në foto të kapur për dore pa u mundur të fshiheshin nga askush.
Por duket se lidhja e tyre ka kaluar shumë shpejt në një tjetër nivel dhe Olivia ka nisur të vizitojë edhe shtëpinë e Harry Styles. Dyshja janë fotografuar duke lënë gjërat e tyre në shtëpinë e këngëtarit, pas dasmës në të cilën morën pjesë bashkë si çift. Këngëtari dhe aktorja janë parë me çanta në duar duke dalë nga një makinë dhe më pas duke u drejtuar në shtëpinë e Styles. Këto foto thuhet se janë kapur një ditë para se imazhet e tyre në dasmë të shpërndaheshin gjithandej.
Sipas mediave të huaja romanca e Olivia me Harry ka nisur prej pak kohësh dhe janë të lumtur. Kujtojmë se këngëtari është pjesë e filmit të saj, “Don’t Worry Darling” dhe duket se ky bashkëpunim i ka afruar edhe më shumë. Në një intervistë të fundit me Vogue, Olivia dhe stilistja e filmit Arianne Phillips zbuluan se ishin shumë të entuziazmuar që Harry ishte pjesë e projektit. Dhe kur Harry vendosi të vishte një fustan për setin e tij fotografik për Vogue, Olivia ishte një nga mbështetësit e tij më të flakta.
Në nëntor u raportua se Olivia dhe Jason Sudeikis i dhanë fund fejesës së tyre shtatë-vjeçare në fillim të vitit 2020. Çifti ka dy fëmijë së bashku dhe për shkak të tyre janë miq ende. Sa për Harry, ai më parë tha për Hoëard Stern se do të dëshironte një ditë të martohej.
