Kryetarja e partisë Lëvizja Socialiste për Integrim, Monika Kryemadhi, ishte e ftuar mbrëmjen e sotme në emisionin “Ndryshe” në “Top Albania Radio”, në të cilin rrëfeu detaje të shumta nga jeta e saj. Duke nisur nga fëmijëria tek politika e deri tek marrëdhënia me bashkëshortin e saj, Ilir Metën, Monika i rrëfeu të gjitha.
Kryetarja e LSI-së madje tregoi se kur e ka shkëmbyer puthjen e parë me Metën. Ajo tha se puthjen e parë ia ka dhënë në makinë dhe shtoi se atë ditë nuk ka ndodhur asgjë më tepër.
“Puthjen e parë e kemi dhënë në makinë. Ai sigurisht më puthi i pari. Asgjë tjetër nuk ndodhi, sepse nuk mund të bësh seks në makinë”, tha Kryemadhi.
Gjithashtu ajo nuk ju shpëtoi as pyetjeve në lidhje se si do të reagonte në disa situata. Moderatorët e pyetën nëse Ilir Meta është realisht feminist ashtu siç thonë edhe “gojët e liga” dhe Monika e pohoi, e madje shtoi se kjo nuk ka asgjë të keqe.
Pjesë nga intervista:
Paloma: Thonë, po thonë, ato gojëligët se Iliri është shumë feminist, madje ka qëlluar se i keni bërë zap ato femrat e Ilirit…
Monika: Po, me thënë të drejtën është shumë feminist, se një mashkull i mirë i pëlqen femra, vetëm një budalla nuk mund t’i pëlqejë femrat
Paloma: Domethënë ti ja lejon?
Monika: Sigurisht, ça ka
Salsano Rrapi: E ka burrin e mirë mi, e ka të mirë…
Pyetje: Nuk e ke problem nëse janë në zyrë?
Monika: Po pse mo ça do bëjë në zyrë?
Paloma: Po ja të jenë aty afër me njëri-tjetrin…
Monika: Shiko, mos e ngatërro zyrën me…
Paloma: Po tashi në hotel nuk do ta kapësh ti atë…
Monika: Po ato gjërat e tjera…Pastaj s’ka ndonjë gje të keqe, eksperiencat janë të domosdoshme..
Paloma: Bravo Mona, kjo ishte një përgjigje…
