Një tërmet i fuqishëm shkundi Italinë gjatë natës duke vrarë të paktën 38 persona, përfshirë dy fëmijë dhe duke varrosur shumë të tjerë ndërsa flinin.
Tërmeti 6.2 ballësh i ndodhur rreth orës 3.30 të mëngjesit ishte aq i fuqishëm sa shembi ndërtesat në zonat rurale në afërsi të Peruxhës, pranë Romës, ndërsa u ndje në qendër të Italisë.
Të mbijetuarit e përshkruan skenë si “apokaliptike” në qytetet dhe fshatrat pranë Peruxhës, vendi i njohur i turistëve.
Të paktën 38 persona humbën jetën nga tërmeti, pasi njerëzit u shtypën nga ndërtesat ose u mbytën nga rrënojat, ekipet e shpëtimit kanë nxjerrë shumë njerëz nga rrënojat por sërish dëgjohen zërat nga poshtë.
Epiqendra e tij ishte në Norcia në Umbria, rreth 105 milje në verilindje të Romës, ndërsa qytetet të goditura më shumë janë Amatrice, Accumoli dhe Pescara del Tronto. Shkatërrimi i urave dhe rrëshqitjet e tokës do të thotë disa zona mund të kalohen vetëm me këmbë.
Kryetari i Accumoli-t, Stefano Petrucci, tha këtë mëngjes, “Qyteti im nuk është më këtu”, pasi njerëzit u nxorën nga ndërtesat e rrënuara me barela, ndërsa disa të tjerë kërkonin dëshpërimsht për të mbijetuar apo qanin me dënesë ndërsa shikon banesën e tyre të shkatërruar.
“Repubblica” shkruan se, fotografi Emiliano Grillotti tha se në Accumoli pa mbi 15 persona duke gërmuar me duart e tyre për të shpëtuar një familje prej katër pjesëtarësh, me dy fëmijë. “Unë mund të dëgjoj një nga fëmijët që ulërin”, tha ai.
Viktimat e para të tërmetit shkatërrues ishin një çift i moshuar shtëpia e të cilit u rrëzua në Pescara del Tronto, në rajonin Marche, rreth dhjetë milje nga epiqendra. Një familje prej katër vetash, duke përfshirë edhe një fëmijë tetë muajsh dhe vëllain i tij 9 vjeç, raportohen të vdekur në qytetin e Accumoli-t.
Stefano Petrucci tha: “Tani që erdhi drita e diellit, mund të shohim se situata është edhe tmerrshme se sa ishim të frikësuar, me ndërtesa të shembura, njerëz të ngecur poshtë rrënojave dhe pa shenja jete. Kjo është një tragjedi. Është një fatkeqësi, nuk kemi drita, nuk kemi telefon, shërbimi i shpëtimit nuk ka ardhur këtu akoma. Gjysma e qytetit ka ikur.
Zyra e Ministrisë së Jashtme këshilloi turistët në Itali që të lidhen me autoritetet italiane për informacionet më të fundit lidhur me tërmetin, duke lënë numrin e telefonit 800840840. Kujtojmë tërmetin e Akuilës në prill të vitit 2009, që i kushtoi jetën 309 njerëzve.
*Shfleto galerinë
Burimi: Repubblica/Daily Mail
