Mëngjesin e sotëm Kroacia u trondit edhe nga dy tërmete të tjera, me epiqendër në zonën e Petrinjës dhe Lekenikut. Më i forti prej tyre kishte fuqinë 4.8 ballë të shkallës Rihter dhe u ndje në orën 06:15. Tërmeti pati një thellësi prej 5.4 kilometrash.
11 minuta më vonë, Koracia u lëkund sërush nga një tjëtër tërmet me fuqi 4.7 ballë, me thellësi prej 10 kilometrash.
Sakaq ditën e djeshme, shteti kroat u godit nga një tërmet i fuqishëm, prej 6.3 ballë të shkallës Rihter dhe epiqendra e tij ishte tre kilometra nga Petrinja. Sipas informacioneve të fundit, shtatë persona kanë humbur jetën, 20 janë plagosur, ndërsa dëmet materiale janë të mëdha.
Tërmeti i djeshëm u ndje në kryeqytetin kroat, Zagreb, në Bosnje e Hercegovinë, në Serbi dhe, madje, në Itali.
Të shumtë janë personat që janë solidarizuar, duke ofruar ndihmën e tyre dhe mes tyre është edhe një shqiptar nga Hasi, i quajtur Alban Morina. Morina ka dalë të shpërndajë bukë për qytetarët e pastrehë dhe u ka bërë thirrje edhe të tjerve t’i bashkohen. Nëpërmjet një statusi në Facebook, ai shkruan se nuk është koha e postimeve por duhet të solidarizohen.
“E di që nuk është koha e postimeve, por duhet, kush nuk ka bukë le të dalë në shesh. Kush nuk ka ushqim për sonte dhe nesër, në shesh”.
