Reshma Bano, një blogere bukurie, e cila u sulmua me acid në 2014-n, do të ecë në pasarelën e Javës së Modës në Nju-Jork këtë shtator.
19-vjeçarja u zgjodh për të “ecur kundër kërcënimit” nga FTL Moda dhe shoqata e bamirësisë “Make Love Not Scars”. Ajo u sulmua rrugës për në një qendër provimi në vitin 2014 nga ish-kunati i saj. Ai hodhi acid sulfurik ndaj Reshma-s dhe motrës së saj, duke djegur dorën e kësaj të fundit dhe fytyra e 19-vjeçares u dogj ndërsa ajo tentoi të mbronte të motrën. Sulmuesi e la atë të verbër në njërin sy dhe Reshma iu nënshtrua operacioneve të transplanteve të lëkurës për nëntë muaj.
Në gusht organizata publikoi një video emocionuese të momentit kur Reshma-s iu kërkua nga themeluesja e NGO-s, Ria Sharma, që të ecte në pasarelën e Javës së Modës.
Vajza që do të thyejë tabutë në Javën e Modës… by icon-style1
Që pas sulmit, Reshma ka prodhuar video përreth makijazhit dhe modës, si një mënyrë e fushatës për të ndryshuar qasjen dhe shitjet që njerëzit kanë me acidin në Indi.
Reshma e mbyll videon me thënien: “Ju do të gjeni buzëkuq të kuq lehtësisht në dyqan. Ashtu si edhe acidet”.
Në 2016-n, për të vazhduar fushatën e ndalimit të shitjeve të acidit, Reshma do të shfaqet më 8 shtator. Regjisori i “FTL Moda”, Ilaria Niccolini, tha për “Independent”: “Udhëtimi i Reshma-s fatkeqësisht është ai i mijëra femrave çdo vit dhe ne e shohim këtë si të papranueshme. Dhe mbi të gjitha, duhet të ndalohet! Për këtë krijuam fushatën “#TakeBeautyBack”, për të promovuar me Javën e Modës dhe po përgatisim një surprizë të mrekullueshme për shfaqjet tona në shtator. Ne do ta ndalojmë këtë abuzim ndaj femrave, të gjithë bashkë mund të bëjmë ndryshimin”.
Pyetjes se për cilin dizajnues 19-vjeçarja do të modelojë, Niccolini iu përgjigj: “Për të parë se për cilin dizajnues Reshma do të performojë, qëndrojmë në kontakt… Vjen së shpejti”.
*Shfleto galerinë
Burimi: Independent
