Këtë fundvit një sfidë argëtuese po qarkullon në Instagram. “Show me a picture of” është trendi që po e shohim në shumë llogari këto ditë. Ajo konsiston në publikimin e një fotoje që të kërkohet nga ndjekësit e tu në Instastory.
Si duket kjo lojë është përqafuar edhe nga personazhet publike që kanë vendosur të ndajnë me fansat e tyre fotot që ata kërkojnë, duke na treguar edhe momente për të cilat kemi qenë të gjithë kuriozë.
Deri tani këtë trend e kanë realizuar shumë personazhe të njohura të showbizit të huaj dhe atij shqiptar. E në këtë listë është edhe Kylie Jenner, e cila ka ndarë foto të Stormit që nuk i kishim parë deri tani.
Ndjekësit kërkuan të shohin gjëra të tilla si këpucët më interesante të Kylie, foton e saj të preferuar me mamanë Kris Jenner dhe një foto të saj me shoqen e saj më të mirë të fëmijërisë. Sidoqoftë, mbase momenti më i adhurueshëm erdhi kur një ndjekës kërkoi që ylli i TKUWTK të postonte një foto të paparë më herët të Stormit.
Natyrisht, 23 vjeçarja “u detyrua” të tregonte një foto të ëmbël të Stormit të porsalindur të mbështjellë me një batanije të bardhë, kur kishte vetëm një javë që kishte ardhur në jetë.
Koha me të vërtetë fluturon. Stormi së shpejti do të bëhet 3 vjeç dhe në fillim të kësaj jave, Kylie u shpreh në një postim se nuk mund të besonte se sa shpejt po kalon koha për të voglën e saj.
Javën e kaluar nënë e bijë fluturuan drejt Houston, Texas, për të mbështetur Travis në një eveniment bamirësie.
Ato iu bashkuan reperit në dhurimin e lodrave për fëmijë dhe ushqimeve me fondacionin “Cactus Jack”. 28-vjeçari iu bashkua kësaj nisme për tu ardhur në ndihmë njerëzve në këto kohë pandemia, në lagjen “Sunnyside Park”, ku ai u rrit.
Kylie postoi në Instastory një foto të Stormi, që mbante një maskë dhe kishte veshur jumpsuit ulliri, e ishte gati për t’i dhënë Travis një dorë ndihme. Ylli i TKUWTK shkroi: “Vajza e madhe që mbështet babanë e saj në shpërndarjen e ushqimeve dhe lodrave për Krishtlindje”.
