Para disa ditësh, Arbenita Ismajli, na bëri të ditur se Fero ishte rikthyer në rrjete sociale. Ajo publikoi një foto përkrah reperit dhe lajmëroi të gjithë fansat për rikthimin e tij.
“@ferofera zemra u rikthye!”, shkroi Arbenita.
Rikthimi i tij nuk ishte i kotë, pasi Fero u kthye fuqishëm në muzikë duke lançuar këngën më të re të titulluar “Italy”.
Një ditë pas publikimit, kënga e cila është pritur tepër mirë nga fansat, i ka kaluar 180 mijë klikime në Youtube, të cilat vazhdojnë në rritje.
Pas rikthimit të tij në muzikë, Fero në fakt bëri një gabim të madh!
Në kohë pandemie dhe tashmë që jeta e të gjithëve është në rrezik, reperi ka mbajtur një koncert të madh në Mitrovicë mbrëmjen e kaluar dhe pamjet i ka ndarë pa pikë problemi edhe në InstaStory.
Siç shihet në videot e publikuara, numri i personave të mbledhur në koncertin e tij ishte tepër i madh dhe nuk janë zbatuar aspak rregullat anti-Covid.
Në një kohë kur bëhet thirrje me të madhe për respektimin e rregullave dhe kujdesin maksimal në këtë situatë kaq delikate, ishte tepër i panevojshëm një koncert nga ana e reperit.
Fero ende s’ka reaguar lidhur me këtë situatë dhe deri tani autoritetet përkatëse nuk kanë marrë masa.
