Para disa javësh binjakët, Romeo dhe Donald Veshaj, u rikthyen në ekranin e Vizion Plus me një spektakël të ri. Spektakli i tyre mban emrin “Binjakët Show” dhe sigurisht ata nuk janë vetëm.
Përkrah binjakëve janë edhe aktorja e humorit, Mariana Kondi, Genard Hajdini, Tiri Gjoci dhe ishte moderatorja Einxhel Shkira, e cila u largua disa ditë pas nisjes së emisionit. Kështu, dy çunat janë në kërkim të një veline tashmë.
Emisioni transmetohet çdo të dielë në orën 20:30 dhe deri tani ka patur të ftuar shumë interesantë, si Bora Zemani, Soni Malaj, Stresi, Meriton Mjekiqi etj.
Ditën e sotme Donaldi ka ndarë disa video në Instastory ku shihet Romeo duke u bërë gati para nisjes së emisionit dhe krah tij ndodhet dikush që po e ndihmon.
Dhe jo nuk është ndonjë pjesëtar i stafit, por babai i tyre. Ai shihet duke ndihmuar aktorin në rregullimin e këmishës dhe kollares dhe duket se e këshillon për diçka.
“I love you, dad. Edhe baba, edhe asistent!” ka shkruar Donaldi krah videove.
Nuk e dimë nëse babai i tyre i ndihmon gjithnjë në emisionin e ri, apo thjesht i ka vizituar ditën e sotme, megjithatë qartazi ai duket përkrahës i madh i binjakëve.
A ka më bukur?
