Lëkundje të lehta tërmeti janë ndjerë para pak minutash në Shqipëri. Mësohet se epiqendra ishte në verilindje të Durrësit dhe pati një magnitudë 3.4 të shkallës Rihter dhe thellësi 8 kilometra.
Lëkundjet janë shënuar rreth orës 18:06 minuta, në fshatin, që është pjesë e Bashkisë së Durrësit, Hamallaj.
Ndërsa, po sot, dy lëkundje të tjera janë shënuar në orët e para të mëngjesit në vendin tonë, raporton IGJEUM.
Lëkundjet e para u shënuan në orën 00:17 minuta në qytetin e Bulqizës. Ndërsa, në orën 06:37 minuta të mëngjesit të sotëm ka pasur lëkundje sizmike edhe në fshatin Shullan, Dibër. Këto lëkundje ishin me magnitudë afër 2 e shkallës Righter.
Fatmirësisht, nuk është raportuar për dëme materiale në asnjërin prej tyre. Megjithatë, frika dhe paniku tek banorët nuk ka munguar, pasi pasojat psikologjike të tërmetit fatal të 2019 ende nuk janë shuar.
Më 26 nëntor të vitit të kaluar, Shqipëria u godit nga një tërmet 9 ballë i shkallës Rihter, i cili u mori jetën 51 personave dhe dëmtoi qindra shtëpi, duke shkaktuar një dëm të konsiderueshëm ekonomik.
Në muajin shkurt, BE mblodhi një fond prej 1.15 miliardë eurosh, midis të cilave dhurime dhe borxhe me interes të ulët, të cilat do të shkojnë për programin e rindërtimit.
timas s d t.
