Përgjatë viteve është raportuar se Nicole Kidman ka vuajtur një marrëdhënie të trazuar me fëmijët e saj të adoptuar, Bella dhe Connor Cruise.
Por, pavarësisht nga thashethemet e vazhdueshme, duket se aktorja e “Hollywood”-it dhe vajza e saj 23-vjeçare janë të gatshme për të vënë mënjanë çdo ndryshim. Raportohet se së fundmi dyshja ka shijuar një ribashkim emocionues në Mbretërinë e Bashkuar, ndërsa Bella e prezantoi bashkëshortin e saj me aktoren australiane për herë të parë.
Sipas “Woman’s Day”, takimi spontan vjen pothuajse pas një viti pasi Bella u martua me konsulentin IT, Max Parker, në Londër shtatorin e vitit të kaluar.
“Ishte një moment shumë emocionues për të gjithë, sidomos për Nicole. Nuk u desh shumë kohë që ajo të shpërthente në lot dhe Bella pas saj”, tha një burim.
Nicole dhe ish-bashkëshorti i saj Tom Cruise e adoptuan Bella-n në 1990-shin, më pas djalin Connor në 1995-n, para se të divorcoheshin në 2001-shin.
Të dy fëmijët shkuan për të jetuar me babanë e tyre pas divorcit të prindërve.
“Nic është munduar të ndërtojë ura lidhëse me Bella-n që në fillim të vitit. Ajo pa që Bella është shumë mirë me Max”, tha një burim i brendshëm.
*Shfleto galerinë
Burimi: Daily Mail
