Ditën e sotme bëhen 4 ditë nga nisja e protestave për vrasjen e Klodian Rashës që ka shkaktuar goxha reagime në gjithë vendin.
Protestat më të dhunshme janë organizuar në Tiranë ku ka patur përplasje të shumta mes forcave të policisë dhe qytetarëve.
Ndonëse po kërkohet reformimi i strukturës së Policisë së Shtetit, efektivët nuk kanë ngurruar të përdorin dhunë ndaj protestuesve sikundër e kemi parë këto ditë.
View this post on Instagram
Madje, ende pa nisur protesta, “Dosja.al” raporton se efektivët e policisë kanë shoqëruar disa të rinj të cilët kanë mbërritur në Bulevard për t’u bërë pjesë e protestës.
Ende nuk dihet se ç’ka ndodhur mes tyre dhe policisë, ndërkohë që qytetarët po mblidhen sërish sot për të vendosur drejtësinë për vrasjen e të ndjerit Klodian Rasha nga efektivi i policisë.
