Dita e tretë e protestës për vrasjen e Klodian Rashës pati zhvillime e tensionte të forta edhe mbrëmjen e kësaj të premteje. Por ndryshe nga ditët e mëparshme qytetarët nuk arritën të grumbulloheshin në grupe të mëdha, pasi policia ishte e vendosur për t’i shpërndarë duke përdor çdo lloj mjeti.
Si fillim protestuesit u mblodhën tek Kryeministria, por brenda pak minutash u larguan, sepse efektivët nisën të hidhnin gaz lotsjellës dhe ujë me presion.
View this post on Instagram
Më pas protestuesit vazhduan rrugën drejt ish-Bllokut e Drejtorisë së Policisë, por kudo u ndoqën këmba-këmbës nga policia që përpiqej t’i shpërndante.
Nga ana tjetër nuk mungoi as revolta e shprehur me djegie koshash, thyerje të tabelave të sinjalistës rrugore apo të stacioneve të autobusit nga protestuesit. Po ashtu në qytete të tjera të vendit pati protesta, ku në Fier dhe Durrës situata ishte më e tensionuar. Gjatë mbrëmjes pati edhe disa të shoqëruar në komisariat, midis tyre edhe të mitur.
View this post on Instagram
Kërkohet largimi i Ardi Veliut
Pas dorëheqjes së ministrit të Brendshëm, Sandër Lleshi, sot thirrja kryesore në protestë ishte për largimin e drejtorit të përgjithshëm të policisë, Ardi Veliu. Nga ana tjetër “iconstyle.al” ka kërkuar që në fillim largimin e disa prej drejtuesve kryesore, të cilët kanë gishtin në fshehjen e hetimeve në lidhje me ngjarjen. Bëhet fjalë për:
-Muhamet Rrumbullaku, drejtor i SHÇBA, që manipuloi hetimin.
-Ardi Veliu, drejtori i Policisë së Shtetit.
-Gjovalin Loka, drejtori i Departamentit për Sigurinë Publike, mban përgjegjësi për dhunën ndaj protestuesve.
-Rebani Jaupaj, drejtor i Policisë Tiranë duhet të mbajë përgjegjësi pse policia ishte pa kamera në trup natën e ekzekutimit të Klodianit.
