Vrasja e Klodian Rashës ka shkaktuar reagim të madh publik dhe qytetarët nuk do e lënë vetëm me protestat e djeshme.
Protesta të tjera do zhvillohen ditën e sotme dhe tashmë qytetarët e Korçës janë ngritur në protestë me pankarta në duar, duke kanë kërkuar drejtësi për të riun, ndërsa shprehin indinjatën për veprimin e policit.
Ndërkohë një efektiv policie ka mbetur i plagosur pasi është goditur nga protestuesit. Polici është goditur me gurë dhe shishe. Në tubimin e tyre të rinjtë thërrasin dhe brohorasin: Ejani mblidhuni këtu këtu…ejani mblidhuni këtu këtu!
Të rinjtë kanë djegur edhe zbukurimet e vendosura në qendër të qytetit, si dhe kanë goditur me sende të forta godinën e bashkisë së Korçës.
Mbrëmjen e djeshme, kryeqyteti u përfshi në protestë masive ku qytetarë të shumtë u mblodhën para Ministrisë së Brendshme duke kërkuar dorëheqjen e ministrit Sandër Lleshaj.
Më pas ata u zhvendosën drejt Kryeministrisë, ku kanë tentuar të hyjnë brenda por nuk ia kanë dalë. Në orën 22:00 protestuesit marshuan drejt shtëpisë së Klodian Rashës, ku edhe ndezën qiri në kujtim të 25-vjeçarit.
View this post on Instagram
Protesta ishte e dhunshme pasi u dëmtuan dhe dogjën disa objekte si edhe u lënduan 9 efektivë, 3 prej të cilëve u shtruan në spital në gjendje të rëndë, pasi kanë marrë dëmtime serioze në kokë dhe në trup.
Sakaq, protesta paqësore pati edhe në qytete të tjera, si Vlorë, Elbasan, Durrës, Gjirokastër, Berat.
View this post on Instagram
Ngjarja e rëndë ndodhi dy ditë më parë në Laprakë, kur efektivi qëlloi dy herë me armën e shërbimit të riun, pasi nuk pranoi të ndalonte kur i bëri thirrje. Klodian Rasha u qëllua në shpinë sipas ekspertizës paraprake dhe ka ndërruar jetë në vendngjarje.
