Vrasja e 25-vjeçarit Klodian Rasha ka prekur mbarë popullin shqiptar dhe këngëtarja e njohur Vesa Luma s’mund ta linte pa e dhënë një mesazh në rrjetet e saj sociale.
Ajo ka treguar se i është këputur shpirti nga deklarata e babait të Klodianit, teksa i shpreh ngushëllimet e sinqeta familjarëve.
Më tej, Vesa publikon foto të të birit me policë në Zelandën e Re, ndërsa kërkon që polica të jetë shembull për brezat e të ardhmes.
“Pse të mos jetë Policia shembull për fëmijët tanë. Pse të simbolizojnë dhunën, kur mund të simbolizojnë siguri.”- shkruan ajo.
“As nuk mund ta imagjinon dhimbjen e prindërve për humbjen e jetës së djalit të tyre, sidomos nga ata që duhet t’i ofronin siguri e mbështetje, jo plumb pas shpine. Botë e keqe.”- ka përfunduar Vesa e prekur shkrimin e saj.
