E dimë të gjithë tashmë se Stresi po punon prej kohësh për albumin e tij “Archimed”, të cilin fansat mezi po e presin.
Siç reperi është shprehur vetë, ky album do t’i mësojë të gjithëve sesi bëhet rep dhe padyshim do të jetë i suksesshëm.
Albumi mban shumë bashkëpunime dhe deri tani është bërë e ditur se Stresi do të sjellë një bashkëpunim me Çartanin, me reperin Gent dhe me Don Phenom.
Ditën e sotme Stresi ka publikuar këngën e re që mban emrin “Archimed”, njësoj si albumi.
Më herët këtë javë Stresi u shpreh: “Është revolta ime më e fortë që e kam bërë përbrenda!”
Dhe ashtu duket! Kjo këngë flet për të gjitha, ish-miqtë, vështirësitë, pengesat e rrugës së tij, që në fund e kanë bërë atë që është sot.
Sakaq, videoklipi është tejet i veçantë pasi në një prej skenave reperi del nga dheu, duke na falur një moment drithërues.
