Një debat i ri lindi sot në rrjet mes Capital T dhe Ardian Bujupit, të cilët u përplasën në distancë mes njëri-tjetrit.
Pas thumbave që pasuan njëri-tjetrin, ata kanë vendosur që gjithçka ta diskutojnë në një video “live” në Instagram para syve të fansave.
Ishte Ardian Bujupi ai i cili me anë të një Instastory ka bërë me dije se përballja do realizohet në orën 22:00 dhe ne urojmë që ata të zgjidhin çdo keqkuptim.
E gjitha filloi pas deklaratës së Capital T në “Gjoni Black”, ku u shpreh se Ardiani nuk është mirënjohës për “famën” që ka marrë prej tij. (Lexo këtu).
Pas kësaj ‘akuze’, Ardiani reagoi në InstaStory me një përgjigje për reperin, duke i kërkuar të mos fliste pas shpine por të takoheshin live.
Nuk ka vonuar përgjigjja e Capital T, i cili në postimin e tij në InstaStory i drejtohej Ardianit:
“Mas shpine nuk është në emision live me fol, po është publikisht. S’jam prej atyre që flas mas shpine. Ti nëse don me fol, e flasim qysh dush ti.”- shkruan Kapo.
Kjo përgjigje është pasuar nga një tjetër përgjigje e Ardianit, i cili i bën thirrje Kapos të sqarohen mbrëmjen e sotme në një video live.
“Nuk mi the këto fjalë kurrë në fytyrë, nuk e kuptoj planin tënd. Ama shkojna live sonte dhe i shprehim.”- shkruan Ardiani, duke lënë kështu një “takim” për t’u sqaruar.
Mbetet vetëm të presim për të parë përballjen mes dy djemve!
