Stresi u hap totalisht në intervistën e tij të fundit me Olsi Bylykun në “Roped by Olsi”, duke ndarë detaje të shumta nga jeta e tij private.
Teksa foli për të shkuarën e planet e të ardhmes, marrëdhëniet e prishura e marrëdhëniet e rregulluara në jetën e tij, ai përmendi edhe një episod të sikletshëm.
Reperi rrëfeu se një stilist mashkull e kishte ngacmuar drejtpërdrejt, ndërsa Stresi ishte vënë në siklet nga kjo situatë.
Për ta larguar, ai tregoi se i kishte bërë presion djalit në fjalë.
“Ishte një stilist dhe më pa e më tha kshu…”do të të stiloj”…po te unë e gjete ti more, thashë…ishte kshu e kupton vetë ti. Kisha dhe një stilolaps në dorë dhe i thashë ‘ik se ta haj syrin si kokërr ulliri more vesh a jo…jo për naj gjë, çik si presion sa për ta larguar”,- rrëfeu reperi.
Gjithashtu, Stresi foli për herë të parë në emision për miqësinë e prishur me Noizy-n.
“I vetmi person për të cilin jam penduar që e kam njohur, jam penduar që e kam besuar, jam penduar pas këtyre rrjedhojave që na ndodhën, tani jam penduar normalisht. Është pendesë sepse është histori shumë e madhe mes nesh. Pendohem normalisht që e kam patur mik e që i kam besuar apo ç’rëndësi ka…e them për herë të parë këtu, është ai çuni që bën zhurmë. Fillimet tona kanë qenë ndryshe….”- tha ai.
