Këngëtarja Rosela Gjylbegu ka qenë ditën e sotme e ftuar në “Abc e Pasdites”, ku rrëfeu momente të rëndësishme nga jeta e saj e përditshme, por dhe mjaft personale.
Ndër të tjera ajo ka folur edhe për humbjen më të madhe që ka patur në jetë, atë të babait të saj që e tronditi para disa viteve.
Teksa fliste për këtë gjë, ajo tha se dhimbja për humbjen e një personi të shtrenjtë nuk kalon kurrë, thjesht mësohet me mungesën.
“Nuk kalon dhimbja, thjesht jeton dhe mësohesh me mungesën. Nuk ka asnjë ditë pa të cilën unë nuk e mendoj tim atë. Shpesh herë them po sikur të ishte babi çfarë do më thoshte. Vdekjes do t’i thoja më rri lag, më rri shumë larg se e kam përjetuar një dhimbje të madhe kështu që kam nevojë të jetoj dhe ka kohë për atë.”
Ndërkohë, sikundër e dimë tashmë këtë vit ajo merr pjesë në festivalin e RTSH. Por pse vendosi të garojë?
“Kënga që kam zgjedhur është e qëllimtë sepse mendova që të gjithë do e parashikonin Roselën me një baladë, nuk doja të isha e parashikueshme. Më duhej një këngë që ta këndonin të gjithë që nga fëmijët, mosha e re, adoleshentet dhe ka rezultuar kështu sepse është fetive e gëzueshme”.- tha Rosela.
Sipas saj “Vashëzo” do ta mbajnë mend, pasi edhe kur i telefonojnë tashmë nuk i thërrasin Rosela por vashëzo.
